Znamy już „Méstrów Bëlnégò Czëtaniô”!
W wejherowskim Muzeum Piśmiennictwa i Muzyki Kaszubsko-Pomorskiej zakończył się tegoroczny konkurs „Méster Bëlnégò Czëtaniô”.
Uczestnicy z 11 kaszubskich powiatów rywalizowali w pięcu wiekowych kategoriach. Oceniały ich dwie komisje pod przewodnictwem prezes Rady Języka Kaszubskiego Danuty Pioch (wraz z Janiną Kurowską i Romanem Drzeżdżonem z MPiMKP) oraz prezes Stowarzyszenia Nauczycieli Języka Kaszubskiego „Rëmùsowi Drëszë” Wandy Lew-Kiedrowskiej (wraz z Tomaszem Fopkem i Grażyną Wirkus z MPiMKP).
Na początku gości przywitał dyrektor Muzeum Tomasz Fopke, który m.in. podziękował za wieloletnie prowadzenie konkursu dawnej dyrektorce bolszewskiej biblioteki Janinie Borchmann. Następnie wejherowska starosta Gabriela Lisius (po kaszubsku!) uroczyście otworzyła wielki finał „Méstra Bëlnégò Czëtaniô” i zaczęło się święto kaszubskiego słowa.
Uczniowie klas I-III (było ich 25) czytali fragmenty z utworów Jerzego Sampa. Według jurorów najlepiej poradziła sobie Olga Tomaczkowska ze SP w Skorzewie, drugie miejsce zajął Antek Galikowski ze SP nr 7 w Chojnicach, a trzecie Katarzyna Kożyczkowska ze SP w Pobłociu. Wyróżnieni zostali: Marcelina Wiśniewska (SP w Gowidlinie), Maja Mielewczyk (SP w Garczegorzu) i Natalia Mechlińska (SP nr 11 w Gdyni).
Najwięcej uczestników – aż 30 – było w kategorii kl. IV-VII. Zwyciężył Kacper Krzebietke ze szkoły w Miechucinie przed Urszulą Giermek (SP w Rekowie Górnym) i Anną Nowicką ze SP nr 2 w Luzinie. Wyróżnienia otrzymali: Julia Jeschke (SP w Sławoszynie), Alicja Flisikowska (ZSP nr 1 w Kościerzynie) i Wiktoria Kropidłowska (SP w Łubianie). Lekturą, jaką musieli czytać uczestnicy tej kategorii, był „Mack” Janusza Mamelskiego.
Gimnazjaliści mieli dośc trudne zadanie, bo czekały na nich „Brawãdë” Jana Drzeżdżona – piękny tekst, ale trudny do przeczytania. Z dwudziestu uczestników najlepiej dali sobie z nim radę: Małgorzata Gruba ze SP w Strzepczu, Aleksandra Nowicka ze SP nr 2 w Luzinie i Daniel Marszk ze SP w Tuchlinie. Wyróżnienia: Marta Kujach (ZSP nr 1 w Kościerzynie), Marta Krefta (SP w Tuchlinie) i Zuzanna Gliszczyńska (ZS w Lipnicy).
Jak mówiła podczas podsumowania konkursu D. Pioch, najtrudniejsze wyzwanie stało przed uczniami szkół ponadgimnazjalnych, którzy czytali „Dokôzë” Alojzego Budzisza. W tych tekstach jest dużo nieznanych słów, trudnych do wymówienia, pisane są za pomocą zdań złożonych, niełatwych do interpretacji. Wśród dziesiątki odważnych pierwsza trójka prezentuje się tak: 1. Dorota Mateja z ZSZiO w Kartuzach, 2. Julia Jankowska z I LO w Kościerzynie, 3. Paulina Fopke z ZSP nr 4 w Wejherowie. Wyróżnieni zostali: Julia Wojewska z ZSP nr 3 w Wejherowie, Natalia Czucha z I LO w Kościerzynie i Karolina Stanisławska z ZSP w Sierakowicach.
Jurorzy byli zgodni co do tego, że najwyższy poziom prezentowali uczestnicy kategorii dla dorosłych. Z „Łiskawicą” Stanisława Jankego wszyscy dali sobie świetnie radę. Po długich dyskusjach jury zdecydowało, że pierwsze miejsce (i 500 zł) otrzyma Anna Gliszczyńska z Lipnicy. Przyznało też dwa drugie miejsca (nagrody po 250 zł) dla Iwony Makurat z Kościerzyny i Janiny Mielewczyk z Sierakowic. Wyróżnieni zostali przedstawiciele powiatu gdańskiego: Beata Richter i Wojciech Bieszk oraz Marek Czoska z Gościcina i Mirosława Mejer za interesujące odczytanie „Łiskawicë” po „jastarnicku”.
Nagrody w tegorocznej edycji konkursu ufundowali: Starostwo Powiatowe w Wejherowie, MPiMKP w Wejherowie, Genowefa Słowi, Tomasz Fopke i Dariusz Majkowski, który był też koordynatorem konkursu z ramienia Muzeum.
Dziękujemy wszystkim uczestnikom, ich nauczycielom, rodzicom, koordynatorom powiatowym, gminnym i szkolnym. Do zobaczenia za rok w kolejnym finale konkursu „Méster Bëlnégò Czëtaniô”!
dm
zdjęcia: Iwona Stenka
Znómë ju Méstrów Bëlnégò Czëtaniô!
W wejrowsczim Mùzeùm Kaszëbskò-Pòmòrsczi Pismieniznë i Mùzyczi skùńcził sã latosy kònkùrs „Méster Bëlnégò Czëtaniô”.
Ùczãstnicë z 11 kaszëbsczich pòwiatów szlë na miónczi w piãc wiekòwëch kategòriach. Òbsądzywałë jich dwie kòmisje pòd przédnictwã prezes Radzëznë Kaszëbsczégò Jãzëka Danutë Pioch (wespół z Janina Kùrowską i Rómanã Drzéżdżonã z MKPPiM) i przédniczczi Stowarë Szkólnëch Kaszëbsczégò Jãzëka „Rëmùsowi Drëszë” Wandë Lew-Czedrowsczi (wespół z Tomaszã Fópką i Grażëną Wirkùs z MKPPiM).
Na zôczątkù gòscy przëwitôł direktor Mùzeùm Tomôsz Fópka, chtëren m.jin. pòdzãkòwôł za wielelatné prowadzenié kònkùrsu ùszłi direktorce bólszewsczi biblioteczi Janinie Bòrchmann. Pózni wejrowskô starosta Gabriela Lisius (pò kaszëbskù!) ùroczësto òtemkła wiôldżi finał „Méstra Bëlnégò Czëtaniô” i zaczãło sã swiãto kaszëbsczégò słowa.
Ùczniowie klas I-III (bëło jich 25) czëtelë wëjimczi z dokazów Jerzégò Sampa. Wedle òbsãdzëcelów nôlepi pòradzëła so Òlga Tomaczkòwskô ze Sp.Sz. w Skòrzewie, drëdżi plac miôł Antk Galikòwsczi z Sp.Sz. nr 7 w Chònicach, a trzecy Katarzëna Kòżëczkòwskô z Sp.Sz. w Pòbłocym. Wëprzédniony òstelë: Marcelëna Wiszniewskô (Sp.Sz. w Gòwidlënie), Maja Mielewczik (Sp.Sz. w Garczegòrzu) i Nataliô Mechlińskô (Sp.Sz. nr 11 w Gdini).
Nôwicy ùczãstników – jaż 30 – bëło w kategòrii ùczniów kl. IV-VII. Dobéł Kacper Krzebietke ze szkòłë w Miechùcënie przed Ùrszulą Giermek ze szkòłë w Górnym Rekòwie i Aną Nowicką ze Sp.Sz. nr 2 w Lëzënie. Wëapartnienia dostelë: Juliô Jeschke (Sp.Sz. w Sławòszënie), Alicjô Flisykòwskô (ZSP nr 1 w Kòscérznie) i Wiktoriô Kropidłowskô (Sp.Sz. w Łubianie). Lekturą, jaką mùszelë czëtac nôleżnicë ti kategòrie, béł „Mack” Janusza Mamelsczégò.
Gimnazjalëscë mielë dosc drãdżé zadanié, bò żdałë na nich „Brawãdë” Jana Drzéżdżona – snôżi tekst, ale cãżczi do przeczëtaniô. Z dwadzesce ùczãstników nôlepi delë so z nim radã: Małgòrzata Grëbô (pòl. Gruba) ze Sp.Sz. w Strzépczu, Aleksandra Nowickô ze Sp.Sz. nr 2 w Lëzënie i Daniél Marszk ze Sp.Sz. w Tëchlënie. Wëprzédnienia: Marta Kùjach (ZSP nr 1 w Kòscérznie), Marta Krefta (Sp.Sz. w Tëchlënie) i Zuzana Glëszczińskô (ZS w Lëpińcach).
Jak gôdała òbczas pòdrechòwaniô kònkùrsu D. Pioch, nôbarżi drãdżé wëzwanié stojało przed ùczniama wëżigimnazjalnëch szkòłów, chtërny czëtelë „Dokôzë” Alojza Bùdzysza. W nëch tekstach je wiele mało znónëch i cãżczich do wëmówieniô słów, pisóné są zesadzonyma zdaniama, jaczé nie są letczé do interpretacje. Westrzód dzesątczi òdwôżnëch pierszô trójka wëzdrzi hewò tak: 1. Dorota Mateja z ZSZiO w Kartuzach, 2. Juliô Jankòwskô z I LO w Kòscérznie, 3. Paùlëna Fópka z ZSP nr 4 we Wejrowie. Wëapartniony òstelë: Juliô Wòjewskô z ZSP nr 3 we Wejrowie, Nataliô Czucha z I LO w Kòscérznie i Karolëna Stanisławskô z ZSP w Serakòjcach.
Òbsãdzëcelë bëlë zgódny, że nôwëższô rówizna bëła w kategòrie ùstnëch. Z „Łiskawicą” Stanisława Janczi wszëtczë delë so bëlno radã. Pò dłudżich diskùsjach jurorzë rozsądzëlë, że pierszi plac (i 500 zł) dostónie Ana Glëszczińskô z Lëpińc. Przëznelë téż dwa drëdżé place (nôdgrodë pò 250 zł) dlô Jiwónë Makùrôt z Kòscérznë i Janinë Mielewczik ze Serakòjc. Wëprzédniony òstelë przedstôwcowie gduńsczégò krézu: Béata Richter i Wòjcech Biészk, a téż Mark Czoska z Gòscëcëna i Mirosława Mejer za czekawé òdczëtanié „Łiskawicë” pò jastarnickù.
Nôdgrodë w latosy edicje kònkùrsu ùfùndowelë: Pòwiatowé Starostwò we Wejrowie, MKPPiM we Wejrowie, Genowefa Słowi, Tomôsz Fópka i Dark Majkòwsczi, chtëren béł téż kòòrdinatorã kònkùrsu ze stronë Mùzeùm.
Bóg zapłac wszëtczim ùczãstnikóm, jich szkólnym, starszim, pòwiatowim, gminowim i szkòłowim kòòrdinatoróm. Do ùzdrzeniô za rok w pòstãpnym finale kònkùrsu „Méster Bëlnégò Czëtaniô”!
dm
zdjęcia: Iwona Stenka
