Serdeczno rôczimë do ùdzélu w latosym kònkùrsu Méster Bëlnégò Czëtaniô!

  • Strona główna
  • Serdeczno rôczimë do ùdzélu w latosym kònkùrsu Méster Bëlnégò Czëtaniô!
Październik 03, 2024 Category : Komunikaty
Zdjęcie do newsa Serdeczno rôczimë do ùdzélu w latosym kònkùrsu Méster Bëlnégò Czëtaniô!

Serdeczno rôczimë do ùdzélu w latosym kònkùrsu Méster Bëlnégò Czëtaniô!

W Regùlaminie, jaczi je doparłãczony do tegò wiadła, nalézeta kòntakt do pòwiatowëch kòòrdinatorów a téż infòrmacje ò lekturach, jaczé bãdą czëtóné òbczas kònkùrsu.

Dodôwómë téż mòdła zgłoszeniowëch kôrtów (wespół z infòrmacjową klaùzulą) i protokòłë dlô kònkùrsowëch kòmisjów na wszelejaczich niwiznach.

Wôżną zmianą w przërównanim z ùszłima edicjama je nowi pòdzél na kategórie. Latos bãdą to: kl. 1-2 spòdleczny szkòłë, kl. 3-4 spòdleczny szkòłë, kl. 5-6 spòdleczny szkòłë, kl. 7-8 spòdleczny szkòłë, wëżispòdleczné szkòłë, dozdrzeniałi warkòwò niesparłãczony z kaszëbsczim jãzëkã i warkòwnicë (szkólny kaszëbsczégò jãzëka, gazétnicë i jinszi).

Dobiwcë I placów latosy (i pòstãpnëch) edicjów kònkùrsu – nie bãdą mòglë startowac w ti sami kategórie w pòstãpnëch edicjach kònkùrsu, mògą brac ùdzél w kònkùrsu w kategórie wëższi. Nie tikô to sã dobiwców z ùszłëch lat.

Latos do wiôldżégò finału przeńdze dwòje nôlepszich (na rówiznie pòwiatu) w kòżdi kategórii.

Wiôldżi finał bãdze w Mùzeùm Kaszëbskò-Pòmòrsczi Pismieniznë i Mùzyczi we Wejrowie 13 gòdnika, ale nôprzód òstóną zrëchtowóné wszelejaczé eliminacje w niejednëch szkòłach, gminach i pòwiatach.

Bëlnégò czëtaniô!

Pliki do pobrania

Zdjęcie 1