Ò naszi historie pò naszémù
W Mùzeùm Kaszëbskò-Pòmòrsczi Pismieniznë i Mùzyczi pòmalë kùńczi sã robòta nad dolmaczenim na kaszëbsczi jãzëk ksążczi „Historia Kaszubów na jeden wieczór”. Ùtwórcama są trzej historicë sparłãczony z wejrowsczim mùzeùm: Michôł Hinc, Adóm Lubòcczi i Mateùsz Szuba. Chcemë, bë ksążka, jakô pòtkała sã z zainteresowanim Czëtińców, bëła téż wëdónô w rodny mòwie. Zarô kaszëbsczi tekst trafi do jãzëkòwi kòrektë. Jesz latos, wierã òb jeséń, pùblikacjô pùdze do smarë. Na spòdlim ti ksążczi chcemë zrobic téż cykl wëkładów. Żdôjta za pòstãpnyma wiadłama :)
